Keyboards
#accessories
#keyboards_2 Mechanical
السلام عليكم
Mechanical keyboards :
بالمحصلة أنا حبيت أحكي عن الأنواع بهاي الطريقة لانو فعليا مهما كانت الشركة واللون راح ينتموا لأحد الأنواع اللي فوق وملاحظة أخيرة كل شركة ونوع يختلف الوزن/القوة اللازمة للوصول لنقطة التفعيل
Actuation point: لذلك بنحس أنه فيه بعض الكيبوردات والأنواع بتحسها ثقيلة وبدك كل قوتك حتى تكبس عليها بالعادة ٤٠غ أو ٤٥غ يعتبر خفيف وفما فوق ببلش يصير أثقل.
بما أنو حكينا عن switches خلينا نحكي شوي عن keycaps اللي بكون عليها الأحرف تنقسم لنوعين رئيسات:
الأول ABS وينقسم الى عدة أنواع أشهرها:
1- الأحرف والأرقام مطبوعة طباعه وهاد مشكلته أنه بعد فترة بتنمحي الأحرف والأرقام وإضاءة RGB بتكنش مبينة وبالعادة مالهاش اسم معين او بكنش مذكور إنها double shot keycaps
2-الأحرف والأرقام محفورة بالبلاستيك بحيث إنه ما بتنمحي والإضاءة بتكون مبينه وبالعادة يطلق عليها Double shot keycaps لأنها تقوم على فكرة طبقتين بلاستيك وحده ملونة ووحده شبه شفافة (أحيانا بتكون ملونة) وبنحفر بالليزر الطبقة الأولى الملونة من فوق. وهاد النوع ينقسم لنوعين حسب نوع البلاستيك وسمكه: الأول ويسمى ABS وهو الأرخص وموجود ب٩٠٪ من الكيبورد اللي برينج ١٠٠$ حتى كيبوردات لحد رينج ١٥٠ ل٢٠٠$ احتمال تكون نفس النوع يعتبر جيد جداً ولكنه مشكلته إنه الكبسة بتصير تلمع وعليها زيوت وببطل منظرها كثير حلو وفك الكبسات ولكن الأحرف والإضاءة بتضل واضحة وممتازة ويختلف الجودة حسب سعر الكيبورد مثال ريزر نزلت كيبورد من فترة شهر ب١٨٠$ بيجي ٦٥٪ كبساته من هاد النوع ولكنها سميكة جدا وممتازة جدا برضو بالإمكان غسلهم بماء دافئ ووضع منظف الجلي وتجفيفهم بيرجعوا ممتازات.
الثاني ويسمى PBT بالعادة شبه نادرا تلقاه بكيبوردات البراندات إلا نادرا جدا بسبب كلفته العالية بحيث إذا حابب تشتري طقم كبسات كيبورد طبعاً بنحكي الكبسات فقط مش كل الكيبورد من هاد النوع أقل شي راح يكلفك 40$ ل 50$ وممكن يوصل حتى 100$ أو120$ ولكنه بالمقابل اسمك من النوع الأول وبيضل فترة أطول بكثير قبل ما يصير يلمع وشعور الكبسة بختلف شوي بتحس إنك تكبس ع بلاستيك نوعيه أغلى إن صح التعبير ووصف الشعور.
وأخر شي حابب أحكي شوي عن أكثر الأحجام المنتشرة بشكل عام (يوجد شركات بتعمل أحجام وأشكال غريبة عجيبة بس بدي أحكي عن المنتشرات):
1- أصغر شي بالسوق وهو ٦٠٪ واللي بكون فيه كبسات الأحرف والأرقام اللي فوق الأحرف مع كبسات Ctrl + shift + alt +space وبالعادة بحبوه الغيمرز لصغر حجمه ولكنه بسبب افتقاره حنى للأسهم لا بنصح فيه للاستخدام اليومي لأي شخص بتاتا.
2- وهاد نادر ما نشوفه ٦٥٪ واللي بكون زي ٦٠٪ لكن الاختلاف أنه فيه عمود زيادة ع اليمين يتم استغلاله لإضافة الأسهم وهاد لاحتوائه على الأسهم ممكم انصح فيه بعض الناس للاستخدام اليومي إذا ما كان يلزمهم F1-F12 .
3- المفضل بالنسبه اللي 75% وبراي هاد بمثل الحل الوسطي بين كل الاحجام بحيث انو بزيد سطر من فوق وعمود على اليمين عن 60% حتى نقدر نضيف F1-F12 والعمود على اليمين بمكننا نضيف الاسهم واكم كبسه ثانيه زي Insert + del + pgUp + pgDown + home + end بصفي عنا كيبورد حجمه قريب جدا من 60% وفيه كل الشغلات اللي ممكن تلزم عدا الارقام على اليمين .
5- الكل بيعرف حجم الكيبورد العادي الكبير تخيلوا لو مسكناه وبس شلنا الارقام على اليمين Numpad وخلينا الباقي نفس الشكل والترتيب بيصفي عنا TKL (ten keyless) (without numbers 0 to 9) وهاد بديل ل75٪ بحيث إنه نفس الكبسات بس بالترتيب الأصلي الطبيعي مش محشورات. ٥- النوع الأخير واللي هو النوع الكبير الكامل المتعودين عليه ويسمى Full keyboard ( 104 keys) وهاد يلزم الناس اللي بتستخدم الأرقام على اليمين (numpad).
طبعا فيه شغلات ثانيه بنقدر نحكي عنها وتفاصيلها لكن بكفي لحد هون بالبوست .
احتمال أكمل عن الكيبوردات ببوست ثالث ينشرح فيه المواد المستخدمة بتصنيع الكيبوردات وإيش نتوقع بكل فئة سعرية وإنه كيف مرات بنفضل مثلا نأخد كيبورد كله بلاستيك بسبب بعض الخصائص ونترك الكيبورد اللي فيه ألمنيوم وراح احط صورة برضو بتعطي تلخيص عن الأحجام من تصميمي احكولي رايكم فيها كتصميم ^_^ .
قبل ما اختم حابب احكي عن نوع جديد نازل كتفرع من Mechanical keyboards اسمه Optical mechanical keyboards / opti-mech keyboards بحيث بدل تلامس قطعتين المعدن يعتمد على قطع المعدن لشعاع الليزر فيحدث تفعيل التيار الكهربائي لما يشابه تلامس قطعتين المعدن. وينطبق عليه الأنواع ال 3 اللي فوق وشرحهن ولكن قد يختلف بالوزن/القوة الأزمة للتفعيل أو ارتفاع الكبسة.
